«Respublica» партиясымен Ынтымақтастық туралы меморандум

«Respublica» партиясы мен «Қазақстан заңгерлер одағы» заңгерлердің ірі қоғамдық ұйымы Ынтымақтастық туралы меморандумға қол қойды. Меморандум шеңберінде Одақ заңгерлері партия филиалдарына өтеусіз негізде құқықтық көмек көрсететін болады.

«Respublica» партиясымен меморандумға тараптар өкілдерінің: «Қазақстан заңгерлер одағы» РҚБ төрағасы Серік Ақылбай, Одақ Орталық кеңесінің мүшесі, Астана қаласы заң консультанттары палатасының төрағасы Әнуарбек Сқақов, «Respublica» партиясы Орталық аппаратының басшысы Бақытбек Хамит, басшының орынбасары Игорь Копайлов қатысуымен қол қойылды.

Меморандум Қазақстанның демократиялық, зайырлы, құқықтық және әлеуметтік мемлекет ретінде қоғамдық келісімнің, саяси тұрақтылық пен экономикалық дамудың негізгі конституциялық қағидаттарын сақтай отырып, бүкіл халықтың игілігі үшін дамуы, құқықтық мәдениетті қалыптастыру, азаматтардың, шағын және орта бизнес өкілдерінің құқықтарын, бостандықтары мен заңды мүдделерін қорғау мақсатында жасалды.

Кездесу барысында ынтымақтастықтың заң және құқықтық мәселелері талқыланды. «Respublica» партиясымен Меморандум, бұл құқықтық мәдениетті нығайту және Қазақстандағы азаматтар мен шағын және орта бизнес өкілдерінің құқықтарын қорғау бағытындағы маңызды қадам болып табылады.

«RESPUBLICA»ПАРТИЯСЫ ТУРАЛЫ:
«Respublica» партиясы («Respublica» партиясы) — Саяси партия, 2023 жылғы 18 қаңтарда тіркелген. 2023 жылғы ҚР Парламенті Мәжілісіне сайлаудың қорытындысы бойынша «Respublica» партиясының депутаттары парламентте 6 орын алды.

«ҚАЗАҚСТАН ЗАҢГЕРЛЕР ОДАҒЫ» РҚБ ТУРАЛЫ:
Қазақстандық заңгерлер одағы – коммерциялық емес қоғамдық ұйым, жалпыұлттық және халықаралық құқықтық, гуманитарлық және өзге де жобалар мен бағдарламаларға қатысуға кең заң қоғамын тарту үшін, маңызды мемлекеттік-құқықтық мәселелерді шешуде заң қоғамдастығының шоғырландырылған ұстанымын айқындау үшін құрылған, елдің он мыңдаған кәсіби заңгерлерін біріктіреді.